Wat ass QR-Help?
Mir sinn ee Service vun enger gemengnëtzeger Organisatioun, deen déi modernsten Léisung fir eng schnell Hëllef am Noutfall ubitt.
Well an engem Noutfall all Sekonn wäertvoll ass, benotze mir d'QR Code Technologie fir iwwerall op der Welt een direkten Accès op Är Noutfallinformatiounen ze erméiglechen. Een Éischthëllefer brauch dofir just Äre perséinleche QR Code mat sengem Handy ze scannen. Doduerch kritt hien Accès op Är gespäichert Donnéeën a kann déi richteg Decisiounen treffe fir Iech beschtméiglech ze hëllefen.
Well mir d'Sécherheet an den Dateschutz immens eescht huelen, sinn all Är sensibel Donnéeën no den héchste Standarde geséchert an nëmmen am Noutfall verfügbar.
Méi iwwert eis gewuer ginn...Haapteegenschaften
Vollkomme Kontroll iwwert Är Donnéeën
Bei QR-Help ginn all d'Informatioune vun Iech perséinlech agedroen.
Dir entscheet also wat fir eng Informatiounen Dir mat Ärem Éischthëllefer deele wëllt a wat Dir léiwer privat hale wëllt.
Dir kënnt Är Informatiounen duerch d'Bäisetze vu medezinesche Kontaktinformatiounen, Dokumenter oder Medikamenter ergänzen.
International
QR-Help steet alle Bierger vun der Europäescher Unioun zur Verfügung. De QR-Code, an domat och Är Noutfallinformatiounen, kann allerdéngs weltwäit gelies ginn.
D'Rettungssäit ass de Moment an 10 Sproochen disponibel a weider Iwwersetzunge sinn an der Virbereedung.
Mir bidde véiersproochege Support innerhalb vu 24 Stonnen. (Lëtzebuergesch, Däitsch, Franséisch oder Englesch)
De Mënsch un éischter Plaz
QR-Help gouf fir de Mënsch entwéckelt. Et gouf keng Méi gescheit, fir de System benotzerfrëndlech a liicht verständlech ze gestalten.
Mir sinn een Team vu Fräiwëllegen, déi d'Ziel hunn Iech an enger liewensbedreelecher Situatioun ze hëllefen.
An eisem Help Desk fannt Dir eng Rei un detailléiert beäntwerte Froen, déi Dir Iech villäicht och stellt. Wann Dir net fannt no wat Dir sicht, hëllefe mir Iech gäre weider.
Héich Sécherheet
QR-Help späichert Är Informatiounen ënnert der Anhalung vu modernste Sécherheetsstandarden an däitsche Rechenzenteren.
QR-Help hält sech doriwwer eraus strikt un d'Europäesch Dateschutzdirektive (DSGVO/RGPD) a behandelt Är vertraulech Donnéeë mat gréisster Suergfalt an héijem Respekt.
Geréiert Äre QR-Code
Fir Är Donnéeën ze schützen, kënnt Dir Är Rettungssäit jidderzäit desaktivéieren, beispillsweis wann Dir ee QR-Code verléiert an een neien ugefrot hutt.
Dir kënnt d'Säit och automatesch späre loossen, nodeems se gescannt gouf. Esou ka keen nodréiglech op Är Donnéeën zougräifen a se si just fir de Moment vun der éischter Hëllef disponibel.
Collaboratioun mat Rettungsdéngschter
Fir méiglech Zäitverloschter ze miniméieren, gouf d'Opdeelung vun Ären Informatiounen op der Rettungssäit zesumme mat Secouristen erschafft.
D'Bewosstsinn ënnert de Secouriste wiisst, well Si iwwert de System informéiert ginn.
Keng automatesch Verlängerung vum Kontrakt
QR-Help verlängert Äre Kontrakt net automatesch no dem Oflaf vun der Vertragslafzäit.
Dir kënnt awer eng automatesch Bestellung aktivéieren. De Kontrakt ass allerdéngs eréischt no Ärer manueller Bezuelung verbindlech.
Wou ka QR-Help nëtzlech sinn?
Sportsaccidenter
Vill Sportaarte kënne geféierlech sinn. Accidenter geschéie relativ heefeg.
Dir kënnt einfach ee QR-Code op Ärem Mountainbike, Ärer Tauchausrüstung, Ärer Kloterausrüstung oder dem Schigezei oppechen.
Ënnert eisen Accessoirë bidde mir eng Rei widderstandsfäeg Porte-cléen un, déi Iech op Ärer spannender Rees begleede kënnen.
Stënterlech Komplikatiounen
D'Liewe ka wonnerbar sinn. Mee leider bréngt et och heiansdo seng eegen Iwwerraschungen, déi kee kontrolléiere kann. Sou gesond wéi Dir villäicht nach haut sidd, Dir wësst ni wat muer ass.
An dëse Fäll ass et wichteg, Ärem Éischthëllefer relevant Informatiounen zur Verfügung ze stellen, sou dass Dir méiglechst gutt gehollef kritt.
Verkéiersaccidenter
De Mënsch well all Dag méi schnell ginn. D'Unzuel u Gefierer op eise Stroossen hëlt all Dag zou.
Leider erhéicht sech de Risiko konstant an oft sinn et grad déi Onschëlleg, déi de meeschte Schued dovun droen.
Et spillt keng Roll ob Dir mat engem Familljebus, engem Porsche, engem Motorrad oder souguer engem Vëlo fuert. QR-Help ass fir Iech do.
Aarbechtsaccidenter
Bei verschiddene Beruffer ass d'Droe vu Sécherheetskleedung wéi beispillsweis Helmen obligatoresch. Dëst ass gutt begrënnt: Eng ganz Rei u Beruffer si geféierlech.
Mee onofhängeg dovun, ob Dir Bürosaarbecht verriicht oder ob Dir an engem Handwierk schafft, Dir sollt gutt op een Noutfall virbereet sinn.
Fir all Altersgrupp
All Alter huet seng eege Virdeeler a Risiken. Kleng Kanner fänken un d'Welt ze entdecken an hunn ee grousse Risiko ze falen. Mee domat net genuch, Kanner rafe méi séier eng viral Infektioun op, gi beim Spillen oder am Supermarché verluer a kënne kengem hier medezinesch Situatioun erklären. Wann een driwwer nodenkt, treffen ähnlech Problemer och op eeler Leit zou.
Denkt un Är Kanner an un Är Elteren, mee vergiesst Iech selwer net!
Seelen Erkrankungen
Heiansdo gi seelen Erkrankungen net gutt genuch behandelt, well se sou seele sinn, dass medezinesch Expertisë feelen. Den heefegste Problem ass awer, dass déi Wéinegst Äre Gesondheetszoustand rode kënne — denkt drun, et ass eng seele Krankheet.
Stellt Iech vir, wéi een Éischthëllefer mat der Situatioun ëmgoe wäert. Wouhier weess hien, op wat hie sech konzentréiere soll, wann en Iech net kennt. Wat fir eng Medikamenter musst Dir direkt kréien?
Gräift Ären Éischthëllefer ënnert d'Äerm, informéiert se!
Elo registréieren a suergefräi liewen
Mir hunn de Prozess vun der Registréierung sou einfach wéi méiglech gestalt. Dir gitt duerch eise System geleet a musst nëmmen op kleng, spezifesch Froen äntweren. Äre Konto gëtt dann automatesch erstallt.
Bei der Umeldung si keng Noutfallinformatiounen erfuerderlech. Dës ginn eréischt an Ärem geschützte Benotzerberäich agedroen. Dëst kënnt Dir och zesumme mat Ärem Hausdokter maachen.
Fir manner wéi 0,10 € den Dag lieft Dir an der roueger Gewëssheet, dass een Éischthëllefer Iech adequat hëllefe kann. Äert Liewen ass wesentlech méi wäert!
Nach net iwwerzeegt?
Mir lueden Iech gären an ee Bléck op eise komplette Site ze werfen a méi iwwert eis Motivatioun, eis Sécherheetsstandarden an eis Funktioune gewuer ze ginn. Wa Froen onbeäntwert bleiwen, kënnt Dir eis jidderzäit iwwert de Kontaktformulaire erreechen. Mir freeën eis drop, Iech weider ze hëllefen.
Méi iwwert eise Service- 1 JoresabonnementKeng automatesch Kontraktverlängerung
- 6 resistent Pechbiller mat QR-Code
- 1 Pechbild fir op den Auto